**إهداء**...لعيال النزهة...

قصيده للشاعر المبدع فيصل اليامي وهي اهداء لعيال الحارة وعلى راسهم المشرف بابو.

ياليت ان الزمن يرجع ورى ولا الليالي تـدور
… ويرجع وقتنا الأول وننعم فـي بساطتنـا

زمان اول احس انه زمانٍ فيه صـدق شعـور
… نحب ونخلص النيـه وتجمعنـا محبتنـا

زمن ما فيه لا غيبـه ولا حتـى نفـاق وزور
… ياليته بس لو يرجع ونسترجـع طفولتنـا

صغار قلوبنا بيضا نعيـش بعالـمٍ محصـور
… ولا نعرف ابد اغراب ما غير عيال حارتنا


صحيح صغار فالتفكير لكن ماعلينـا قصـور
… نخطط نكسر اللعبـه وتسعدنـا شقاوتنـا

نروح المدرسه بدري ونضحك داخل الطابـور
… نحاول نزعج العالم في روحتنـا وجيتنـا

وعشان نأخر الحصه نخبي علبـة الطبشـور
… نشاغب بـس فالآخـر تميزنـا برائتنـا

نحب الضحك والهيصه نحب انط فوق السـور
… نفرفش.ليه مانفرفش مدام الضحك عادتنا

ولكن دارت الأيام وبـان الخافـي المستـور
… وصار الهم متعلي علـى قمـة سعادتنـا

كبرنا وصارت الدنيا تصف أحزاننـا بالـدور
… وتهدينا الألم والهم غصب عن عين رغبتنا

تعبنا من بلاوينا أحد ضايـق وأحـد مقهـور
… وكـلٍ غـارق بهمـه وفالآخـر تشتتنـا

وانا ما أقول غير الا حـلالاه الزمـان يـدور
… ويرجع للورى فتره نعّدل وضـع عيشتنـا



وسلامتكم

مشكوووووووور

قصيدة حلوه جدا كلها مشاعر ههههه

مبروك افتتاح قسم الشعر

وللأمام ان شاء الله

مبدع كالعادة
جدا جميلة القصيدة

مشكور على القصيره الحلوه ..

وحلها على اللي ضافها.. ويسلملي صوت علي بن محمد اللي غناها ...