بسم الله الرحمن الرحيم
اخواني واخواتي ((يقولوا في بنات في المنتدى اتاكد يا هتان)) اعضاء ومشرفي وادارة هذا المنتدى السلام عليكم ورحمة الله وبركاته اما بعد...
هذا الموضوع اللي وعدتكم بيه من زمااان والحمدلله بدأت فيه بعد ما اخرته كفاية بسبب ظروف تعطل جهازي اللي يحوي الصور,, مع العلم اني بنزله على حلقااات .
قبل لا تخشوا جو مع الموضوع جهزوا نفسكم في البداية لان الموضوع طوييييل ,,, اجلسوا بارتياح وصبوا كاسة موية وروحوا الحمام من بدري لانه مافي طلعة بعدين....
واترككم مع الموضوع.......>>>>
ماليزيا العظمى
ماليزيا ماهي وما علاقتها بآل الهندي...؟
في البداية حبيت اعطيكم نبذة مبسطة عن ماليزيا ولييش ارتبطت بالعوائل السعودية وخصوصا عائلتنا الموقرة .
افرض ان عائلة محترمة تبغى تسافر تقضي الصيف برا ما هو الاختيار الامثل...؟؟ نسمع كل واحد اش يبغى...
الأب
---- نبغاه بلد اسلامي عشان ما نواجه مشكلة مع المساجد وقت الصلاة وكمان شعب طيب في التعامل ومواصلات سهلة وصرفية معقوولة
الأم
---- نبغاه بلد حكاية اقدر احكي عنه كثير لما ارجع بالاضافة الى الخدمة الراقية والراحة النفسية وشي يبسط العيال وأهم شي تكون الأسواق في كل مكان.
البنت
---- يكون فيه شواطئ حلوة ومفاجاات كثيرة وماركات عالمية في الاسواق وأبغى اتزلج لاني محرومة هنا في السعودية ونبغى نصور مناظر جميلة عشان صحباتي ينقهروا لما يشوفوها.
الولد
---- العن ابو الفلة ابغى اسوي مسااااااج ((سعودي لا تلوموه)). ,,,, وكمان ابغى اروح جزر واركب جيتات و اخش ديسكو طبعا لما الاهل يناموا.<< يبغى يبزوط
طيب اش برايكم يوافق كل هذه المتطلبات
ممكن تقولوا مصر!!!.... اقلكم مصر جيدة لكن فيها عيوب موجودة في اي بلد عربي وهي النصب على السياح والتعامل السيء ))(( الاهرامات مثلا باربعة قنيه لاهل البلد والبرانيين بمية قنيه
....!!!!!))((
اذن الاختيار الامثل سيكون البلد الذي يعامل الجميع بمحبة واحترام وطبعا ماليزيا من أفضل هذه البلدان والشعب المالاوي من أطيب شعوب الارض ويحب الاندماج مع السياح وخصوصا المسلمين منهم .......انتهى .
أول تجربة في ماليزيا كانت من عائلة السيد عبدالحكيم هندي في عام ((خذو التاريخ من العضو B-M-H)) وكانت فعلا جميلة وصارت حديث المجالس بعد ذلك.
أعجب السيد احمد هندي بالبلد وقرر خوض التجربة وفعلا البلد أعجبته لابعد الحدود وقرر انها تكون وجهته في كل صيفية.
تكرر الحديث عنها ومتابعة أخبارها حتى قرر أحد افراد العائلة الدراسة في الخارج وطبعا الكل أشار عليه انه يتجه لماليزيا.
ماليزيا أصبحت الان معقل للطلاب العرب لدرجة الامن والامان والمستوى التعليمي العالي فيها حتى ان البعض يترك ولده أبو 12 سنه لوحده هناك عشان يتعلم لغة ........ يعني لهذه الدرجة الحمدلله الاهل متطمنين.
ومن هذا المنطلق قررنا التوجه الى ماليزي بكل ثقة وهمة وعزيمة وكل واحد في راسه حبه يبغى يطحنها وكل واحد هو ونيته
ولكل امرئ ما نوى.
في الحلقة القادمة.....!!!!!!؟
بنتعرف على أبطال القصة
خلوكم متابعين معانا.